Friday, April 30, 2010
മൗനം
ഈ രാത്രിയുടെ യാമങ്ങളിലെവിടേയും
എന്തിനോവേണ്ടി ആർത്തുല്ലസിക്കുന്ന മൗനം...
ആരോടാണ് നീ
ഇത്ര നിർബന്ധബുദ്ധിയോടെ മത്സരിക്കുന്നത്?
അരുത്,എന്നോടാണെങ്കിൽ വേണ്ട
നീയെനിക്കൊരിക്കലും മത്സരമല്ല;വാശിയുമല്ല
എന്റെ അനുഷ്ടാനമാണ്.....
ജീവിതം കൊണ്ട് ഞാനെഴുതിയ
എന്റെമാത്രം പ്രത്യയശാസ്ത്രം
എങ്ങുമൊടുങ്ങാത്ത എന്റെ നഷ്ടസ്വപ്നങ്ങളുടെ
കണക്കപ്പിള്ളയായ് എന്തിനാണ്
വേദനകൾ മാത്രം തിന്നു കഴിയുന്ന
ഈ ശരശയ്യയിലും എന്നെ പിന്തുടരുന്നത് ?
വിജയാഹ്ലാദത്തിന്റെ സുവർണരഥത്തിൽനിന്നും
പരാജയത്തിന്റെ അന്ധകാരബീഭത്സങ്ങളിലേക്ക്
ആസന്നമായ യാത്രാമൊഴിയോതുമ്പോഴും ഞാനറിയുന്നു
നീയല്ലാതെ ആരുമെന്നെ പിന്തുടരുന്നില്ല.
പ്രണയമെന്ന എന്റെ ഭാര്യയും
സൗഹൃദമെന്ന കാമുകിയും
ഈറനണിയിച്ച് യാത്രയാകുമ്പോഴും
നീ മാത്രം എനിക്ക് കൂട്ടാവുന്നു
ഈ രാത്രിയുടെ ഏകാന്തതകളിൽ
തണുത്തുറഞ്ഞ ഈ സായന്തനങ്ങളിൽ
എനിക്ക് ചൂടേകുന്ന നിന്നെ
ഞാനെന്തു വിളിക്കണം.....?
കൂകി വിളിക്കുന്ന പകൽമാന്യ
സദാചാര കോമരങ്ങളെപ്പോലെ
ഞാനും നിന്നെ
വേശ്യയെന്നു വിളിക്കട്ടെ?
Subscribe to:
Post Comments (Atom)
5 comments:
"ഞാനും നിന്നെ വേശ്യയെന്നു വിളിക്കട്ടെ?"
വേറെ വിളിക്കാന് പേരൊന്നും കിട്ടാഞ്ഞിട്ടാണോ.....:)
നല്ല വരികള്....
വരികള് കൊള്ളാം.
@മാറുന്ന മലയാളി:
സത്യം പറഞ്ഞാല് വേറൊന്നും കിട്ടിയില്ല,അതു കൊണ്ടാ..
@പട്ടേപ്പാടം റാംജി:
നന്ദി
കൂകി വിളിക്കുന്ന പകൽമാന്യ
സദാചാര കോമരങ്ങളെപ്പോലെ
ഞാനും നിന്നെ
വേശ്യയെന്നു വിളിക്കട്ടെ?
എനിക്കിഷ്ടായി
@റ്റോംസ് കോനുമഠം :
നന്ദി സുഹൃത്തേ...
Post a Comment